شعر شعبي: وطن ومَربَى- جمال نايف أبو أركان

فلسطينيو العراق8

عدد القراء 2249

http://www.paliraq.com/images/001pal/000PI-kh.png
 
http://www.paliraq.com/images/001pal/SahatAltahrir.jpg

طيبة ومحبة وعطر بيج يا محلا مرباج     
وعشنا من عمرنا سنين وكل العمر فدواج       
سئلوني المن هذا الحجي كلتلهم لبغداد         
بغداد عكد بحر وقنبر علي وزينتهم التوراة     
افيش شكد حلوة ايام الطفولة وشكد حلوة ذكراج   
اتعلمنا بمدارسها ويا محلا ذيج الاسماء       
بصمتها تبقى بالقلب ومن الصعب ننساج     
وكلمن حليبة طهر ميصد عن مرباج         
المربى مو جلمة بس تنكال هي بالقلب فحواج   
انت قطعة من الكبد وشكد طيبة يا مغلاج       
كل الوصف قنبر علي بس ما ننسى ذكراج     
وسوق حنون والكفاح والشورجة ابد دوم ما ننساج   
شكد حلوى درابينها وناسها الطيبة تبقى بالعين رؤياج
ترى يا خوتي درب العشك مو سهل ننساه         
بصدرونا مو بس رئة تاخذ نفس ترى بصدورنا اثنين
وحدة تتنفس للوطن والثانية تتنفس ال مرباه               
يا خوتي جا غالي المربى بس الوطن يا مغلاه       
شكد ما نكتب عالوطن ما نوفي هو بالدلال سكناه 
يا خوتي جلمة وطن ترد الروح يوم نلكاه       
بس المربى غالي والوطن اغلى وحك الوطن ما ننساه
ويوم نرفع بيرغنا على قدسك وهذا اليوم نتمناه   
ويوم نرفع بيرغنا على قدسك وهذا اليوم نتمناه

 

جمال نايف أبو أركان

19/4/2011

 

المقال لا يعبر بالضرورة عن رأي الموقع

"حقوق النشر محفوظة لموقع " فلسطينيو العراق" ويسمح بإعادة النشر بشرط ذكر المصدر"

الكلمات الوصفية

اترك تعليقك

التعليقات 8

  • السويد

    0

    رجعتنا ايام زمان والله يا بغداد حلوه منساج للدهر تسلم ايدك ابو اركان

  • النرويج

    0

    زمان ما سامع شعر برطب القلب ويشفي الجروح كلام رجعنا الى الماضي بس مو سهل ننساه مناطق فيها احى ذكريات الايام

  • اخي أهليــــــــــــــــــــــن حياك الله واقفه احتراما امام كلماتك التي تحمل معاني رائعه في قمه الذوق الرفيع قلمك صادق .. موضوع يحاكي القلوب والمشاعر ..ما اجمل عواطفنا حينما نسطرها وما اروع مايكون تسجيل تلك العواطف بصوره صادقه أستمتعت كثيراً بقرائه شعر رائع جدااا .. .. تحية من ا خت الى اخوها بالرضاعه فشكراً لك بحجم الكون على هذا الذوووق الراقي في الأختيار .. لك مناكل الــســـــــلامـ

  • اخوك العزيز

    0

    السلام عليكم تسلم اخي وصديق الطفوله العزيز ابو اركان وتسلم على هذه الكلمات الجميله التي رجعتنا الى الماضي الجميل والمليئه بالا خويه الصادقه والجميله في هذه المناطق التاريخيه والجيره الطيبه كما ذكرتنا بكل اخ وصديق عزيز امثالك واسماء كثيره جمال ابو النسب وعبد القادر وانس وكثيرين كلهم خير وبركه تحياتي لك والى الاخوه الذين عاصروا معنا هذه الذكرى والايام الرائعه والتي لم تنسى في ذكرى كل طيب امنياتي للجميع بلخير والبركه واسال الله ان يلم شمل كل الاخوان والاهل جميعا

  • كندا

    0

    تحياتي اخي ابو اركان جميل ما كتبت ودليل وفاء لارض الرافدين الي تربينا فيها ولاننسى الوطن ومثلما تحن انت الى التوراه وقنبر علي وغيرها فاني احن للاعضميه والمقبره الملكيه والشط والكورنيش وجامع الامام الاعضم .تستحق بغداد كل هذا الحب كذلك الوطن فلسطين الذي لاننساه . تقبل تحياتي اخوك ابو احمد

  • ايطاليا

    0

    سلمت يمناك وسلم قلمك عهذا الشعر الجميل الشيق يااعمي ابو اركان

  • المهجر

    0

    حيا الله العم ابو غزوه حجيك بالصميم داكك ومعاني تعبرها وتطلعها من القلب وهذا السبب الي خلاها تدخل للقلب ابد ما ننسى المربى ولا نصد عنه والمربى غالى وذكرانا بغداد تحياتي الك ابو اركان

  • حليبك طيب يأخوي بالرضاعة ...

    0

    (( وكلمن حليبة طهر ميصد عن مرباج )) .. ولله يأخي أبو أركان أن حليبك طاهر وطيب ,, لذلك كلامك حلو ويفوح منه الطيب ,, وأنا أشهد على حليبك الطيب ,, لأنه نفس الحليب الذي رضعناه سوياً من صدر أمنا الحنونه / المرحومة صديقة المرتضى ,, ومن أجل أن لا يضرب القاري ء الأخماس بالأسداس ,, أقول أخوتي الأعزاء جمال نايف سليمان السماك أبو أركان هو أخي بالرضاعة ,, سلام لك يا أعز أخو لي في هذه الدنيا ,, أخيك بالرضاعة أبو مهند جمال أبو النسب ,,

شارك برأيك

الاسم
الدولة
التعليق




A- A A+